ලෝක ටෙස්ට් ශූරතාවලියේ අවසන් මහා තරගය ඊයේ දිනයේදී ආරම්භ වුණා. මෙම තරගයේදී ඕස්ට්‍රේලියානු ඉනීමේ නැංගුරම බවට පත්වෙමින් අගනා ලකුණු 66ක් රැස්කිරීමට ස්ටීව් ස්මිත් සමත් වුණා. එම අගනා ඉනීමත් සමගින් ලෝඩ්ස් පිටියේ ක්‍රිකට් වාර්තා අලුත් කරන්නට ස්වීව් ස්මිත්ට හැකිවුණා. ඒ ලෝඩ්ස් තණතීරුවේ වැඩිම ටෙස්ට් ලකුණු රැස්කළ විදෙස් පිතිකරු බවට පත් වෙමින්. ස්මිත් ලෝඩ්ස් ක්‍රීඩාංගනයේදී ටෙස්ට් ලකුණු 578ක් රැස්කිරීමට සමත් වී තිබෙනවා. මින් පෙර එම වාර්තාවට හිමිකම් කීවේ ලකුණු 575ක් රැස්කළ ඕස්ට්‍රේලියානු ක්‍රීඩක Warren Bradsley ක්‍රීඩකයායි. ලෝඩ්ස් පිටියේ වැඩිම ටෙස්ට් ලකුණු ලාභීන් Warren Bardsley (575) Sir Garfield Sobers (571) Sir Donald Bradman (551) Shivnarine Chanderpaul (512) Dilip Vengsarkar (508) Allan Border (503) ©️ Ceylon Sports